Congress Legislature Party Treasurer, Pu Zodintluanga chuan Mizoram Assembly inthlanna kumin kum tawp lama neih turah MNF Party hruaitu lawkten tlinna tur bial him an la nei lo niin a sawi. Vawiina Lunglei Congress Bhavan-a Special Meeting neihah he thu hi sawiin, Pu Zodintluanga chuan MNF President, Pu Zoramthanga leh Senior Vice President, Pu Tawnluia te chu dinna tur bial thlang thei nimahse, tun dinhmunah tlinna tur bial him an la hmu zo lo niin a sawi a, an tlin theihna tur bial tur an party hruaituten an zawnpui luai luai niin a sawi bawk. Pu Zodintluanga chuan MNF Party Vice President tan pawh Lunglei District-ah dinna tur bial him a vang niin a sawi a, bial him thlang thei dinhmunah awm mah se vawiin thleng hian thlan tur bial him a la hre lo niin a sawi bawk. Pu Zodintluanga chuan Chakma Autonomous District Council-a an sorkar chu inthlan puan a nih hma lawkin Governor-in a \hiat a, Governor hian \hiah ngai lo a \hiat nia sawiin, kha kha an chhiat phah niin a sawi bawk. He inkhawma thusawitu dang Horticulture Minister, Pu PC Lalthanliana chuan inthlanna vote tla chhiar zawh a nih hnuah North East Democratic Alliance (NEDA) bakah Central-a BJP hruaitute, MNF President, Pu Zoramthanga ten BJP leh MNF ten \angrualin sorkar an siam dawn tih an puang nachungin BJP MDC leh an party MPC ten sorkar thar din tura United Legislature Party an din thu a sawi a, hei hi Congress leh BJP-in party angin thawh dunna thuthlung an siam vanga din a ni lo tih a sawi a, he inthlannaah hian party chak bik an awm loh avang leh mipuiin an tawrh lohna turin Congress leh BJP chuan \ang dunin sorkar din an tum mai zawk niin a sawi a ni.
