Congress Legislature Party Treasurer, Pu Zodintluanga’n MNF Party chu District pathum, Saitual, Khawzawl leh Hnahthial District-te a taka siam puitlin an tiam a nih chuan District pathum te ramri tur sawi chiang nghal turin a phut.

0
282
views

 

Vaivakawn Congress Unit-in mi thar lawmluhna Zohnuai Primary School-a an buatsaihah Pu Zodintluanga chuan MNF Party-in District pathum siam tura a insawi chu mipui bum tumna mai niin a sawi a, an ti tak tak dawn a nih chuan District ramri tur puang ngam turin MNF Party chu a phut tih a sawi. Pu Zodintluanga chuan tun hnaia an party hruaitu \henkhatin Congress an chhuahsan chhan chu Congress sorkar a \hat loh vang emaw, an hotute \hat loh vang emaw leh corruption vang emaw ni lovin bial bil emaw, khaw bil emaw buaipui vang a ni zawk tih an lehkha ziak a\angin a lang chiang tih a sawi a, Congress Party erawh chuan bial bil emaw, khaw bil politics emaw buaipui lovin ram pum hmasawnna tur a buaipui zawk niin a sawi.