Congress sorkarah mipui te hmalam a thim tual tual niin MNF Vice President Dr R. Lalthangliana’n a sawi. He thu hi vawiina Suangpuilawn a an party SEDP training buatsaihah a sawi a. Dr R Lalthangliana chuan, kum 9 Congress a sorkar chhungin hmasawnna leh mipui tan hamthatna tur an thawk lo niin a sawi a, Hindi zirtirtu mi 1000 chuang ban tirte pawh lak leh beisei ti chungin tunthlengin lak an la ni lo a ti. Dr R Lalthangliana chuan, MNF sorkar chhungin Building tam tak an sa hman nia sawiin, kawngpui a that bakah Police pawh Battalion 4 an din niin a sawi a, SSA zirtirtute hlawh pek theih loh an nei ngai lo niin a sawi. Kum 9 eptu-a an awm chhungin ram leh mipui tan hmasawnna tur kawng tam tak an zirchhuak tawh niin Dr R Lalthangliana hian a sawi bawk a, SEDP chuan Mizoram tan hmasawnna nasa tak a thlen dawn niin a sawi bawk. Dr R Lalthangliana hian Khanpuiah SEDP training a hmanpui leh a, Tuirini lei chim a tlawh bakah lei chim avanga nunna chan ta Pu HC Lalfakzuala chhungte hnenah ralna a hlan nghal bawk.
