Congress Sorkarin Mizoram hliampui a tawrh tir mek chu an party in thuneihna an chan hunah tihdam a nih tur thu MNF Vice President Dr R Lalthangliana’n a sawi

0
515
views

Congress Sorkarin Mizoram hliampui a tawrh tir mek chu an party in thuneihna an chan hunah tihdam a nih tur thu MNF Vice President Dr R Lalthangliana’n a sawi. He thu hi tunhnaia Lunglei West bial khaw hrang hrang a tlawhna a vantlang inkhawmah sawiin Dr R Lalthangliana chuan Congress sorkarin zu a zawrh avangin hmeithai leh fahrah an pun phah a, mipui rumna a thlen mek a ni tih a sawi a, kum 10 dawn ro an rel chhungin lei (Bridge) \um 6 a chim a, inkalpawhna kawngpui zawh hleih theih lovin a chhe nasa hle a mipui tawrhna nasa tak a thleng mek a ni tih a sawi. Dr. R Lalthangliana chuan kawng chhiat avanga mipuiin nasa taka an tawrh hnuah vote zawn nan daih rei lo tur tih hriat sa rengin hnawhsarumin kawng \henkhat an siam nia sawiin kawngpui chhe taka mipui an kal tir kha theihnghilh chi a nih loh thu a sawi. Dr R Lalthangliana chuan an party in thuneihna an chan laia sorkar building leh vantlang building an sak Congress sorkarin enkawlzui loin a hluihlawn mek tih a sawi a, zirtirtu, Police, Forest Department leh Department hrang hranga hnathawktu an l^k tawh Congress in a bantir te chu thuneihna a chan hunah ennawn a, dan in a phal chin chu l^k l>t leh vek an nih tur thu a sawi bawk. Dr R Lalthangliana chuan, kumin kumtawp a Assembly inthlan a an party in thuneihna an chan chuan, zirlaite harsatna tawh Study Tour leh Industrial Visit an neihna turin Budget-ah dah a nih tur thu a sawi bawk. Dr R Lalthangliana hi MNF Gen. Hqrs. hruaituten an \awiawm a ni.