UD&PA Minister, Pu Zodintluanga chuan khawpuia cheng mi rethei chenna in nei lo te chenna in sakna tur Rs.51,36,000/- nimin khan a pe chhuak

0
223
views

UD&PA Minister, Pu Zodintluanga chuan khawpuia cheng mi rethei chenna in nei lo te chenna in sakna tur Rs.51,36,000/- nimin khan a pe chhuak. He sum hi National Urban Livelihood Mission hnuaia Deendayal Antyodaya Yojana a\anga ruahman a ni. Semna inkhawma thusawiin Minister chuan Mizoramah mihring enkawltu mumal nei lo leh riahna tur in nei lo an awm mang loh nachhan chu midang tana mi inpe leh mi tlawmngaiten hetiang mite chenna in tur anmahni sum senga an sak vang leh an hun zawng zawng hmanga heng mite enkawl hna hi an thawh vang niin a sawi a, Operation & Maintenance Fund a pek chhuah tak chu a scheme-in a phut angin Shelter home hmun hrang hrang 24-a awmten \angkai taka an hman a beisei thu a sawi a ni. He inkhawm hi UD&PA Joint Secretary, Pu Vanlalmawia’n a kaihruai a, State Mission Manager, Pi Malsawmdawngliani chuan Operation & Maintenance Fund hman dan tur sawifiahin Shelter for Urban Homeless Scheme hian a tum ber chu khawpui chhunga mi rethei zan riahna leh tawm hulna tur nei lo, khawlai leh hmun remchang lai apianga riak leh khawsa \hin te riahna tur siamsakna tur niin a sawi a ni.