MPYCC chuan Gas phurtute nawrh thu hriat tur a awm loh laia mipuiin Gas an harsa reng mai chu hriatthiam har an tih thu sawiin, Congress sorkar liam taah fur ruahtui tlak tam laia Gas phur motor te rei tak an nuar chung leh rel kawng siam avanga hun rei tak rel kawng dan a ni chungin mipuiin Gas hman tur hnianghnar takin an nei reng \hin niin an sawi a. MPYCC chuan Mizofed leh Gas Distributor hrang hrangten IOC hnenah gas man tur an deposit vek tawh chung pawha a ni tela gas harsatna a zual zel leh gas nghei vanga mangang, Mizoram khaw hrang hrang leh Aizawl veng hrang hranga an awm mek chu pawi an tih thu an sawi a, hetiang harsatna mipuiin an tawh lai hian Supply Minister hmalakna hriat tur a awm lo nia sawiin vanduaithlak an tih thu an sawi.
