Science & Technology Directorate Conference Hall-a neih zirhonaah hian Mizo Academy of Letters leh Mizo Writers’ Association member te leh sawm bik engemawzat te an tel a. Chief Scientific Officer Dr. R. K. Lallianthanga chuan, Mizo-te chu Intellectual Property Rights lamah an la hnufual hle tih a sawi a, thiamna bik neite thiamna chu Intellectual Property Rights an tih hmangin dan hnuaia neitu nihna hauh theih a nih thu te, hlawkna tel tur chuan hetianga neitu nihna dan hnuaia ziahluh hi a \ul thu te a sawifiah a ni.
Mizo Academy of Letters President Prof. Laltluangliana Khiangte leh Mizo Writers’ Association President Pu R. Lallianzuala te pawhin thu an sawi a. Senior Scientific Officer,
Pu Samuel Lalmalsawma’n Intellectual Property Rights hnuaia Copyright chungchanga hriat tur pawimawh zual chi hrang hrangte a sawifiah a ni.
