Bawrhsap Pu H Lianzela kaihhruai, District Level Task Force on Corona Virus Outbreak member te leh VC, YMA leh Kohhran aiawhte \hukhawm hian, Khawzawl-a bazar lian zualte chu khar nghal an rel a, sa leh chawhmeh zuarte chu mahni veng \heuha \hu rih tura hriattir an ni a, thil zuartute chu an inkarah metre 3 aia tlem lo awl dah vek turin an hriattir a ni.
Mipuite tih tur leh tih loh turah ngenna felfai tak an tih chhuahah hian VC tinte chu vantlang inkhawm ko rih lo tura hriattir an ni a, Khawzawl district chhunga Kohhran zawng zawngte tiam chin awm lova inkhawm ti tawp rih turin an ngen bawk a ni.
Heng bakah hian ram pawn leh state pawn a\anga Khawzawla haw hlim te chu Village Level Task Force henna in hriattir ngei tur te, sumdawngte chu an bungrua chheprelh lo tur leh man to taka hralh lo tur te, loh theih lova punkhawm ngai chiah pawh mi 20 aia tam pungkhawm lo tur te, district pawn a\anga sumdawng veivak awm phal a nih loh thu te hriattirna an tih chhuahah hian tarlan a ni a. Tangkafai hmang lova sum in pek tawnna, Online leh cashless transaction te hmang tuar turin Khawzawl District mipuite hi ngen an ni bawk.
