Coronavirus hrileng hian ram sawmhnihpariat kangkai tawhin mi singhnih sangriat chuangah a hrik hmuh tawh a ni a. Thihpui mi 500 chuang an awm tawh bawk a, India rama Kerala state-ah he hri kai hi mi pathum hmuh ni tawh mahse, Mizoram leh state dangte chu an la him a ni.
Chief Secretary Pu Lalnunmawia Chuaungo hovin vawiin khan Health Dept hotute an \hukhawm a, Coronavirus hrileng chung changa sawrkar inpuahchahnate an thlirho a ni. Health Dept hotute sawi danin tunhnaia China atanga Mizorama lo kir mi pangate chu in lamah a theih ang anga an chhungte nen in chiahpiah lova fimkhur taka awmtir mek an ni a; heng mite hian Coronavirus hrik an pai tihna ni lovin, fimkhur thu hla a ni an ti a, an zinga mi pathum te thisen chu NICED Laboratory, Kolkata-ah thawn anih hnuah Coronavirus an pai lo tih finfiah a ni tawh a ni.
