Covid-19 dona kawnga hmalatu, Hnahthial District Task Force chu vawiin khan an Chairman, District Bawrhsap Pu Vanlalmawia hovin an thukhawm a, Mizoram pawn atanga Hnahthial District mi leh sa hawng turte lo buaipui dan tur leh inkharkhip kalpui meka mimal leh pawl atanga rawtna an dawnte an thlirho.

0
43
views

Mipui ten Social distancing tha taka an zawm theihna turin, mipui kaihruaitu tur Student Police Cadet te duty tan tir an ni tih District Bawrhsap Pu Vanlalmawia hian a sawi a, NSS volunteer te pawh a tul huna che chhuak thei turin an inpeih tih a sawi.

India ram hmun hrang hrang atanga Mizorama hruai haw tur zingah Hnahthial District mi 54 te chu South India atanga hawng tur an awm a, heng mite lo khung hran lailawkna tur hmun leh thil tul dante thutkhawmnaah hian an sawiho a ni. Hnahthial ah hian khunghran mek mi 13 an awm a ni.