Tuipuiral Group YMA te’n Myanmar ramri hrula YMA Branch hrang hrang duty te tlawh kualin, CM Relief fund an pe a, Branch hrang hrangte hian a inchhawkin ramri hi riahchilhin an veng a ni.

0
41
views

Tuipuiral Group YMA hruaitute hian duty ten harsatna an tawh te an enpui a, vawiin khan ramria duty te hi an inthlak a, kar hmasa lama duty te chu mi tharin vawiin atang khan an thlak a. Vanzau Branch YMA, Khuangleng, Leithum, Samthang leh, Khawbung Branch YMA te chu chawl hahdam turin in lamah an haw a, a thlak turin Zawngtetui & Khawbung Branch YMA te Sesih ram Tiau lui kamah an in pu lut a, Bungzung Branch YMA chu Lianpui ramah, Sazep Branch YMA chu Vangchhe ramah, Khawbung Branch YMA team pahnihna te Chawngtui ramah, Zawlsei Branch YMA te Thekpui ramah leh Dungtlang Branch YMA te chu Thekte ramah te an inpu lut a ni.

Branch 1 atang hian mi 6/7 vel an thawk
chhuak tlangpui a. Tuipuiral Group YMA-in a lo rel tawh angin heng Branch riak lutte hian motor leh an eiin mamawh chi hrang hrangte chu a theih chinah anmahni an intum a, harsatna nei te chu Group YMA in an relfelpui thin a ni. Vaphai, Farkawn leh Khuangthing te pawh an ram chinah an la duty reng bawk.