Covid-19 dona tura Chief Minister’s Relief Fund-a sum tlingkhawm atangin state pawna Mizo Welfare 12 te tanpuina pek a ni leh dawn a, Young Chakma Association hnenah cheng nuai 2 pek a ni dawn bawk.

0
46
views

Chief Minister’s Relief Fund hman dan tur ngaihtuah tura din, Committee on Utilisation of Chief Minister’s Relief Fund for COVID-19 chu an Chairman, Chief Secretary Pu Lalnunmawia Chuaungo hovin nimin khan an thukhawm a, Mizo Welfare hrang hrang 12 te hnenah tanpuina pek tur hi cheng nuai 28 leh sing 2 a ni a, Central Young Chakma Association hnena pek tur hi cheng nuai 2,00,000/- a ni a, hei hi Lawngtlai DC in ramri venga duty te a dilpui anga pek a ni tih sorkar thuchhuah chuan a sawi.

Heti hian Chief Minister’s Relief Fund atanga tanpuina pek chhuah tawh chu a vaiin cheng nuai 584 sing 1 sang 7 leh 65 a ni a, vawiin thleng khan CM relief fund ah hian cheng nuai 773 a tlingkhawm tawh a ni.