Covid-19 dona tura Mizoram sorkarin ordinance hmanga Dan a siam hmangin mi sing 2 leh 780 pawisa chawitira hrem an ni tawh a, an pawisa chawi tlingkhawm hi cheng nuai 40 chuang a ni tawh.

0
96
views

May ni 4 atangin he Dan, The Mizoram (containment and prevention of covid-19) ordinance hi hman tan a ni a, thla 3 chuang hlek hman a nih tawh chhunga he danin a phut anga, hmai tuamna hmang lo, awm khawm loh tur tih zawm lo leh a kaihhnawih thil dang avanga mipuite pawisa chawi tlingkhawm hi cheng nuai 40 sing 3 sang 2,900/- a tling tawh a, Pawisa chawitir zingah hian vantlang hmuna hmai tuamna vuah loh vanga pawisa chawitir an tam ber a ni.

Pawisa chawitira hrem te zingah hian Police-in an chawitir- mi sing 1 sang 1119 an awm a, police flying squad ten an chawitir- mi 8125 leh Task force ten an chawitir- mi 1536 an awm a ni.

Nimin tuk dar 9 leh tukin dar 9 inkar khan Police ten mi 1031 an chawitir a, Task Force ten chawitir an nei lo a. Darkar 24 chhunga police ten pawisa an chawitir tling khawm hi cheng nuai 1 sing 3 leh 300 a tling a ni.

The Mizoram (containment and prevention of covid-19) Ordinance hnuaiah hian thil dang bakah, vantlang hmuna hmai tuam loa awm te, awmkhawm te, vantlang hmuna chil chhak te, sorkar phalna la lova punkhawm huaihawt leh ramri kan ang chi te chu Dan bawhchhiatnaah puan a ni a, Police te chuan tunlai hian kawtthler leh dawr chhungte fangkualin, Dan bawhchia an man te chu pawisa an chawitir thin a ni.