Mizorama Covid 19 hri kai hmuh tawh 238 zinga 64 chu hnam dang sipai, Mizorama awm an ni.

0
50
views

Nimin khan ZMC Covid 19 Laboratory-ah BSF sipai 5-in hri an kai tih finfiah a ni a, heng mite nena sipai zinga hri kai tawh zat chu mi 64 an tling tawh a, tuna Mizorama Covid-19 vei enkawl mek zat 79 atanga zaa 64 chu sipai an ni a, abak zaa 15 chu civil mi an ni.

Tualchhung mi zingah hri kai 174 an tawh a, an zinga 159 enkawl dam tawh niin, enkawl lai 15 an la awm a. Tualchhung mi hri kai zinga enkawl dam hi zaa 91.37 zet a tling tawh a ni. Hetihlai hian, Mizorama awm hnam dang sipai zinga hri kai hmuh chhuah zingah enkawl dam an la awm lova, hri kai zawng zawng 64 chu damdawi in-a enkawl mek an ni a, heng mite nena Mizorama hri kai enkawl mek chu 79 an ni.

Hnam dang sipai-te hi Border Security Force, Assam Riffle leh Nation Diasater Response Force-te an ni a. Lungverh-a 5th IR Battalion hmuna awm NDRF sipai 31 zinga 26-in Coivid 19 hri an kai tih hmuhchhuah a ni tawh a ni.