Aizawl khawpui chhunga Local Level Task Force tam zawk chuan an huam chhunga in sa leh hnathawh laklawh lai neite chu phalna pein hna an thawh tir a, Police Duty-na hmuna Task Force Duty ngai lo veng \henkhat chuan vawiin lamah khan Police Duty an pui a. Veng tam zawk chuan an veng luhna hmun remchang laiah kawngpui kham zawnga hrui pawtin an venga lut turte chu khawlai chhuah phalna an neih leh neih loh an endik sak a, phalna nei lote chu haw turin an hrilh \hin a ni. Aizawla sumdawnna hmunpui Dawrpui leh Zarkawt-a Wholesale dawrte pawh Local Task Force ruahman angin an inhawn theih hun siamsak an ni a, heta \ang hian veng hrang hranga Task Force leh sumdawngten an mamawh an lamkhawm \hin a ni.
