Zonet palaiin Aizawl khawpui hmun hrang hrang a fankualnaah Local Level Task Force Duty-te chuan Assam-ah COVID 19 vei hmuhchhuah thar an pun chak avang leh Mizoram hnaih Karimganj-ah hri leng kai an awm tak avangin khauh zawkin an Duty tih an sawi a. Mizoram chu ei leh barah a intodelh loh avangin State pawn a\anga ei tur lak luh reng a ngai a, hei hi natna tih darh theihna kawng awlsam tak a nih avangin uluk leh zualin an huam chhung \heuhah khauh lehzuala pawn chhuah khapna hi kenkawh a ni, an ti.
Veng tam zawk chuan an veng chhunga hnam dang awmte an chhinchhiah tih an sawi a, heng mite hian mikhual an neih leh neih loh an thlithlai reng tih an sawi a. Sumdawnna hmun hnaiha awm veng \henkhat chuan, chhuanlam hote te vanga pawn chhuah phalna nei an la awm nual chu \ha lo an tih thu an sawi a. Chanmari Local Task Force Duty-te chuan an veng chhunga damdawi leh \ul zual mamawh neite chu zing dar 11 hmaa an hnena inhriattir turin mipui an ngen a, hengte hi Task Force Duty-ten leisakin an in lamah an pe \hin a ni.
Police Duty-te pawhin, inkharkhip kalpui a nih chhung a rei tak deuh avangin chhuanlam hote te hmanga khawlaia chhuak an tam deuh tih an sawi a, an hotute a\angin uluk leh zuala Duty tura hriattirna an dawn thu an sawi a. Kawn remchang laia Police Duty-te hian khawlai chhuakte phalna an neih leh neih loh an lo endik zel a, kawngpui kham zawnga hrui thlungin, khauh zawkin inkharkhipna thupek an kengkawh a ni.
