COVID 19 vanga inkharkhip mek karah Mizoram sum leh pai khawihtu, Treasury Pisa hrang hrang chu dan pangngaia hawn chhunzawm zel a ni a, vawiin thlengin harsatna awm lovin hna an thawk a, April tha sorkar hnathawkte hlawh pawh a huna pe thei turin an siam mek.

Treasury Office-a thawkte chuan sum pekchhuah kawngah harsatna an la tawh loh thu leh vawiin thleng khan dan pangaia hna an la thawh zel thu an mahni tlawhtu Zonet palai an hrilh a. Hetihrual hian Office hnathawkte chu an hna khawih a zirin pisa an in kai chhawk \hin a ni. Aizawl South Treasury hnuaiah bik Sorkar Department hrang hrangte sum khawihtu, Drawing and Disbursing Officer 146 an awm mek a, heng mite hi an Department sum lachhuak tura an lo kalin Counter-ah pakhat te te-a siamsak \hin ni mah se a, an \hut hahchawlhna hmun an pek theih loh avangin Social Distancing an zawm hlei thei \hin lova, hei hi \ha lova hriat a nih avangin thuneitu sang lama thlen a nih hnuah an \hut hahchawlhna tur Room pakhat buatsaih mek a ni.