Congress member, Pu KT Rokhaw zawhna leh zawhbelhna dangte chhanga hre thu hi sawiin, Hindi zirtirtute chungchang hi sorkar an siam tirh khan an buaipui nghal a, Union Home Minister, Pu Rajnat Singh-a’n Mizoram a lo tlawh \uma a lo intiam tawh angin Hindi Zirtirtute rawih nawn chungchang hi Chief Minister, Pu Zoramthanga’n Delhi-a a zin \umin Union Home Minister hi a sawipui tawh a. Health Minister, Dr. R. Lalthangliana pawhin Union Human Resource Development Minister a sawipui bakah Department Official-te pawhin Ministry lamah lehkha pawimawh hrang hrang an thehlut tawh a. Amah ngei pawhin Delhi a kal \umin Ministry hotute sawipui a tum a, hetihlai hi Pakistan nena buai lai kha a nih avangin Union Minister nena an inhmuh tum chu \hulh a ni a, hemi hnu hian DO Letter hmangin a chhui zui tho tih a sawi.
Pu Lalchhandama Ralte chuan, Hindi zirtirtu lak phalna hi Sorkar laipui a\angin hmu leh pawh ni se CSS hnuaia Hindi zirtirtu 1305 bantak zingah eizawnna dang nei tawh loh boral tawh an awm avangin mihring pangngaite chu chhawr theih an ni tawh dawn lo a, RTE danin a phut angin Training chhuakte chauh lak an nih tur thu a sawi.
