CYMA Executime Committee-in TMA General Conference lo awm tura thu lut ngaihtuah tur thenkhat thlirho

0
836
views

Central YMA Executive Committee, nimina Central YMA office-a thu khawm chuan kumin October ni 17 atanga 19 thlenga Champhai Zotlang Field-a YMA General Conference lo awm tura ngaihtuah atana thu lut thenkhat an thlirho a, hengte hi Central YMA-in a awp, Aizawl khawpui chhung atanga lut a ni hlawm a, hengte hi Sub Hqrs. leh Group YMA atanga lutte nen tun thla ni 13-ah Central Coordination Committee-in a thlir nawn leh ang. He CEC thutkhawmnaah hian nakkum atana Central YMA Budget tur duan lailawk pawh thlirho a ni a, hei hi YMA Financial Year kumin, October thla atanga nakkum October thla thleng hman atana ruahman a ni a, YMA hian General Conference atanga a kum leha General Conference neih hun chu Financial Year-ah a hmang thin a ni. CEC thu khawm hian tun hnaia a bul an lo tan tawh, iron rod buk dik leh dik loh enfiah chungchang pawh an sawihova, hei hi an thut khawm leh hunah sawi zui a, a bawhzui zel dan tur ngaihtuah a ni ang. He CEC thukhawm hi Central YMA President, Pu Lalbiakzuala’n a kaihruai a ni.