Scient Teachers Association ten sikul tan hun chungchang sawihona leh inrawnkhawmna buatsaih

0
308
views

Science Teachers Association, Mizoram-in vawiin khan Aizawla Synod Conference Centre-ah sikul tan hun chungchang sawihona leh inrawn khawmna a buatsaih a, tlawmngai pawl, zirtirtu pawl hrang hrang leh mi sawm bikte an tel. He inkhawm buatsaih hi STAM Chairman, Dr R. Lalengmawia’n a kaihruai a, Mizoram sorkarin kum 2015 atanga sikul tan hun, zing dar 8 a hman tak chungchang zir chianna atana district hrang hrang 6-a zawhna an thawn chhuah thu leh, a chhanna 4,800 chuang zet hmuh a nih thute, hengte hi zirlai, zirtirtu, zirlai nu leh pa, Bus leh Taxi driver-te chhantir an nih thu te leh, a pumpuia khaikhawmin, zing dar 8-a sikul tan chu hma lutuka ngai an tam thute a sawi. Hemi hnu hian kal khawmte hian sikul tan hun chungchanga an pawl leh mimal ngaihdante an sawi hlawm a, sawihona hi Pu RK Lianzuala’n a kaihruai a ni.