Asia khaw chhak lam ram hrang hrang zingah Mizorama Dampa Tiger Reserve-ah Keite chi khat, Kelral (Clouded Leopard) a tam ber tih hmuh chhuah a ni. Hei hi India leh British miten tun hnaia an zir chianna a\anga hriat a ni a, Dampa Tiger Reserve-a Kelral awm zat leh chet tlat dan hi National Center for Biological Science Bangalore-a ramsa chanchin zir mi, Prya Singh leh University of Oxford-a Wildlife Conservation Research Unit-a mi thiam, Pu David W McDonald chuan kum 2014 December thla a\ang khan an zir a, heng mite hian Dampa Tiger Reserve-ah hian Kelral, Clouded Leopard leh Sanghar chi khat, Marbled Cat \hahnem tak an awm tih an finfiah a, Kelral hi ram square Km 100-ah 5.14 a awm a, Sanghar chi khat, marbled cat pawh ram, square km 100-ah 5.03 a awm a ni. An zir chhung hian Kelral thla hi vawi 84 an la a, marbled cat thla pawh vawi 36 an la a ni.
