Darlak khuaa rul chuk enkawl dam zawh loh nimin khan vui a ni

0
539
views

Mamit District-a Darl^k khaw mi, tun thla ni 19, kar kal ta Thawhlehnia rulngan nia hriatin a chuk hlum, Lalramdinliana chu rul chuk enkawl thiam, Pu Ramtinthata’n a enkawl dam zawh loh hnuah nimin chawhnu khan an khua Darlakah vui a ni. Darlak khaw mi, Pu Vanlalmaka’n ZONET a hrilh danin tun thla ni 19, kar kal ta Thawhlehnia Lalramdinliana ram kal haw lam chuan rul lian vak lo hi a slipper-a nawr betin a man a, rul chuan a chu ta a, a tuk ni 20-a Mamit Damdawi ina hruai a nih hnuah hemi ni chhun dar 11 vel khan Doctor-te chuan a thi tih an puang a, an awmna khua Darlaka a ruang lak a nih hnuah rulchuk enkawl thiam Tanhril khaw mi, Pu Ramtinthata chuan enkawl dam tura beih a duh thu a hrilh a, changel hnaha khuhtirin Darlak lam a pan ta a ni. Darlak a thlen hnuah rul chuk a enkawlna damdawite pein a theih ang angin a sawngbawl zui a, a bula awmte chuan a marphu te an hmu leh tih te, a heh pawh a sen leh deuh tawh nia an hriat thu te an sawi a, a zak hnuai a la lum reng a, a taksa pawh a khawng lova, ni 4 hnuah pawh a rim a la chhiat loh avangin a dam chhuak leh thei dawnah an ngai a, amaherawhchu, a thi tih puan a nih a\anga nimin, a ni 5 ni thleng khan a rim a la chhe lova, amaherawhchu, a awm velah a vun a duk tak avang te, a marphu hmuh zui a nih tak loh avangtein amah enkawltu chuan a hlawhtling ta lovah a pawm a, a awmna Salvation Army Commanding Officer, Lieutenant VL Chullova’n thlamuanna thuchah sawiin a vui a, mi \hahnem takin an thlah liam ta a ni. Rul chuk enkawl thiam, Pu Ramtinthata hi Bangladesh rama Mizote awmna khua, Bunghmuna piang a ni a, Mizorama a lo pem hnuah Tanhril Ramthar Vengah a khawsa a ni. Puan tawh angin, Lalramdinliana hi kum 27 mi, nupui nei, fa pali nei a ni a, a \ai chin seng a hun tawh avangin vawiin khan hnatlangin YMA-in an seng sak a, vaw nghalin an phurh hawsak nghal vek a, an thing tuah turte pawh an phurhsak a ni.