Dholai Police leh Bagha YMA ten ruihhlo leh a tawlhrutu nia hriat mi 8 man

0
503
views

Cachar District-a Dholai Police Station-a mite leh Bagha YMA-in Inrinni zan khan ruihhlo tawlhruk tam tham tak leh a tawlh rutu nia hriat mi 8 an man. Kolasib-a Police hotute hnen a\anga thu dawn danin. Dholai-a an ruihhlo man hi Pseudoephedrine, kg 87-a rit a ni a, an mi mante chu Churachandpur mi, South Delhi-a khawsa, Lianchungmung, kum 36 mi leh a nupui, Govung, kum 30 mi, Churachandpur mi Suanohthangte, Aizawla Zuangtui Veng mi 3, Zoramthanga kum 28 mi, Lalrinmuana kum 34 mi leh Hmachhuana kum 23 mi te, Silchar-a awm Mizoram Police LO, Sub Inspector, Dipu Sharma leh Silchar Police LO Office-a thawk, Head Constable, Umesh Mishra te an ni. Heng mite hi Dholai Police te chuan thu zawh fiah atan an kawl mek a, an thu zawhfiahna a\angin ruihhlo neitu leh tawlh rutute leh anmahni puitute a hriat theih dawn a ni. Police hotute chuan he ruihhlo tawlh ruknaa Dholai Police-ten rinhlelh thila an man tel ve, Sub Inspector Dipu Sharma leh Head Constable Umesh Mishra te hi an suspend nghal a, ZONET zawhna chhangin Home Minister, Pu R. Lalzirliana chuan an pahnih hian he thilah hian an inhnamhnawih leh hnawih loh zalen taka Dholai Police-ten an chhui theih nan suspend nghal niin a sawi. Ruihhlo hi Police motor, Tata Sumo zuitu, Getz pakhat, Zoramthanga motor a\ang leh motor dang, Tata Indica, Manipur mite ta a\anga man a ni a, Police motor, Tata Sumo a\ang erawh chuan ruihhlo man an nei lo niin an sawi. Pseudoephedrine an man hi Delhi a\anga Aizawl lam panpui niin an sawi a, Aizawl khawpuia a hralhna rate anga chhutin Rs. 35,67,000/- man vel a tling niin Police-te chuan an sawi bawk.