Darlak khuaa rul chuk vanga thi tihnun leh tumin enkawl

0
658
views

Mamit District-a Darl^k khaw mi, Lalramdina, kum 27 mi, Dontorai-a fapa chu tun thla ni 19, Thawhlehni khan a ram kal haw, rulngan nia hriatin a chuk a, a tuk, ni 20 khan Mamit District Hospital-a lak a nih hnuah hemi ni chhun dar 11 velah a thi a, a ruang hi an khua Darl^kah lak let a nih hnuah rul chuk avanga thi tawh nia ngaih tinung leh tura enkawl thiam nia sawi, Tanhril khaw mi, Pu Ramthata chuan he thil thlen dan hi Phone-in a zawt a, a chhungten thil awm dan an hrilh hnuah Pu Ramthata chuan a zak a la lum em tih te, a pum a puar tawh em tih te a zawt a, a zak a la lum tih leh a pum a la puar lo tih an hrilh hnuah Pu Ramthata chuan changel hnaha khuha lo dah \ha turin a chhungte chu a hrilh a, hemi zan la la hian a chhungte chuan motor hire-in Pu Ramthata hi Tanhril a\angin Darlakah an hruai ta a ni. An zu thlen chuan Pu Ramthata hian rul chukna hmuamhma chu blade-a zai zauvin rul chuk enkawlna damdawi a neihte hmangin tunah hian a enkawl mek a, Darlak khaw mi, Pu Vanlalmaka hnen a\anga ZONET thu dawn danin, tunah hian rulngan chuk vanga thi nia sawi, Lalramdina marphu chu khawiha hriat theihin a awm niin a sawi a, a pum a la puar lova, a zak pawh a la lum a, a thi nia Doctor-ten an sawi a\anga vawiin, a ni thum ni thlengin mitthi rim a la nam lova, a dam laia a rim pangngaiin a la awm niin a sawi a ni.