Dawrpui Local Council leh PWD hnuaia Aizawl Road North Division hotute chuan Dawrpuia V. Lalliana Dawr bul kawng peng a\anga New Market kaltlang, Chhinga Veng Taxi Stand thlenga kawng siam\hat hna thawh mekna hmunah kaltlang lo turin mipui an ngen.

0
254
views

 

PWD hotute hnen a\anga thudawn danin he kawng siam\hat hna khawl hmanga thawh mekah hian bazar kal mi veivakten hnathawk kal lai an tihbuai avang leh chetsualna pawh thleng thei a nih avangin mipuite chu he kawngah hian hnathawh laiin kal lo turin an ngen a, kal tumte dangtu tur duty pawh an insiam a, hemi rual hian he kawngpui dunga dawr neite pawh hnathawh chhung chuan an dawr khar thei se an duh thu an sawi a ni.

Puan tawh angin Aizawl Road North Division chuan he kawng siam\hat hna hi Pathianni a\ang khan a thawk \an a, kawng chhuat siam rem nan lung nawi phahin kawng sirah tuihawk luankawr concrete-a siam hna an thawk mek a, he kawng dung tluan hian kawng chhuatah Inter Locking Paver Block phah a ni ang a, hnathawh zawh hma chuan he kawng hi lirthei kal theih loha khar a ni dawn a ni.