Tripura Bru Relief Camp 6-a Mizoram Bru Displaced People Coordination Committee hruaitute chuan tun hnai khan Naisingpara Executive Committee meeting neiin sorkar laipuiin an ration leh sum lama \anpuina tun thla tir a\anga a tihtawp sak chu pe chhunzawm leh turin an ngen.

0
257
views

 

Hemi chungchanga thuchhuah an siamah MBDPCC chuan kumin July ni 3-a New Delhi-a sorkar laipui, MBDPF, Mizoram sorkar leh Tripura sorkar aiawhten Mizorama an letna tura inremna an siam chu an pawm loh thu sawiin kha inremna thu ziah kha social media a\anga an hriat veleh lungawilohna an entir \an nghal niin an sawi a, sorkar a\anga an thilphut tihhlawhtlin a nih hma chuan relief camp an chhuahsan dawn lo tih sawiin an thilphut chi hrang hrang an tarlang nawn leh a, chungte chu Mizoram chhungah Bru te tan Area Development Council dinte, leilung tlawh chhana chhungkaw tin eizawnna atan ram hectare nga \heuh pekte, Mizorama an let huna khaw khata in tam tawk awmna tur model village din te leh anmahni \anpuina atana sorkar laipuiin chhungkaw tin tan cheng nuai 4 pek a remtih chu camp an chhuahsan hma ngeia anmahni pe tura an phut thu te a ni.