Dawrpui Multi Level Parking, Community Centre leh Office Complex ni bawk, Rs 8,80,96,000/- senga sak chu Chief Minister Pu Lal Thanhawla’n nimin khan a hawng.

0
338
views

 

Hawnna inkhawma thusawiin Chief Minister chuan Aizawl khawpui lun laia lirthei dahna tam tawk loh vanga harsatna awm chu Multi Level Parking siam tak hian a tihziaawm a beisei thu te, hemi hmuna Civil Hospital-a mitthi dahna siam tel a ni chu \angkai taka hman theih tur niin a sawi a, Dawrpui veng mite leh a hmangtute chu anmahni ta a ni tih hriaa dimdawi tak leh fai taka enkawl turin a chah a ni.

Hawnna inkhawma khualzahawm Finance Minister, Pu Lalsawta pawhin thusawiin Dawrpui veng chu Aizawl Civil Hospital awmna a nih avangin damdawi ina damlo thi an awm changa veng chhung \halaite leh bialtu MLA ten an buaipui \hin chu thil lawmawm a ni tih sawiin, he building-a ruang dah lailawkna tur siam chu chhiat tawk te tan leh tlawmngai pawlte tan \angkai taka hman theih tur a ni tih a sawi a ni.

Dawrpui Multi Level Parking, Community Centre and Office Complex hi Non Lapsable Central Pool of Resources sum vbc 8, nuai 80, sing 9, sang 6 senga chhawng ngaa sak a ni a, a chhawng hnuai ber leh a dawttu chu motor dahna tur a ni a, chhawng hnihnaah mitthi dah lailawkna tur leh \awng\aina tur Hall bakah Library, Information Hall, Choka leh Health Sub Centre, Committee Room 2, Store Room, Janitor Store leh inthiarna a awm a, a chhawng thumnaah chuan Hall leh Green Room a awm a, a chhawng li-naah Store Room dah a ni bawk.

Hawnna inkhawm hi Sports & Youth Services Secretary, Pu Lalthangliana Sailovin a kaihruai a, PWD Project Circle SE, Pu Lalruatkima’n building sak dan sawifiah bawk a ni.