Dinhmun sang zawk, Adhoc Grant-in-Aid-a dah phuta Sikul khar mek, Mizoram Govt. Lumpsum Aided Higher Secondary School Association, Managing Board leh heng sikul awmna khaw 9-a Zirlai Pawl hrang hrang aiawhte vawiina Aizawla thukhawmin na zawka sorkar nawr an tum.

0
553
views

Vawiina kal khawmte hian resolution an pass a, sorkar chu July ni 25 thleng nghah nise, thu lawmawm an dawng lo a nih chuan July ni 26 a\angin heng sikul awmna, Zawlnuam, Sakawrdai, W.Phaileng, Phullen, Farkawn, Thingsulthliah, E.Lungdar, N.E .khawdungsei leh Zobawk ah te sorkar office leh zirna in zawng zawng kharin motor kawngpui dan nise an ti a, hei hian awmzia a neih loh chuan zirlai pawlte chuan Higher Secondary School te Adhoc Grant-in-Aid a hlangkai thei tur Sorkar a din theih nan hma a la dawn niin an sawi.

Heng sikul hrang hrang te hian hapta 4 chhung an sikul an khar tawh a, sorkar chu a phurh zawh loh nghawngkawl bahtir an tum lo nia sawiin, Chief Minister in Education Secretary hmu tura thurawn a lo pe chu an thil phut tih hlawhtlinna tur anih an beisei thu an sawi bawk.