Tripura Bru Relief Camp-a mi\henkhatin Mizorama hruaikir an nihna tur chu dodal mah se, an mahni hruaikir tura ruahmanna chu a ngai anga kaltlangpui a ni dawn tih Home Principal Secretary, Pu Lalnunmawia Chuaungo-in Zonet a hrilh

0
464
views

Bru-te hruakir tur hian Union Home Minister, Rajnath Singh-a hovin Mizoram leh Tripura Chief Minister ve ve leh Mizoram Bru Displace People Forum-in inremna thu an lo thlun tawh chu tihlawhtling tura hmalak a nih tur thu a sawi a, mi\henkhatin dodal mah se, ruahman lawk angin Mizoram sorkar chuan a tih tur a ti dawn tih a sawi. Pu Lalnunmawia Chuaungo chuan, inremna an siam danah Bru-te chu kumin September ni 30-a hruakir hman vek tura tih a nih avangin Mizoram Sorkar chuan Spetember ni 25 hmaa zofel vek turin ruahmanna a siam a, hei hi Election Commission lamin bichilh deuha an hriat avangin September ni 10 hmaa zo hman turin an ngen a, hei hi inthlan hmaa Electoral Roll Revision neih hman an duh vang a ni a, a hun hi tepter deuh mah se, an rawtna anga hmalak tum a nih thu a sawi. Zawhna chhangin Pu Lalnunmawia Chuaungo chuan, Bru-te chu lo kir lo pawh ni se, inremna an lo siam tawh angin Tripura-a Bru Relief Camp chu \hiah a nih theih nan hmalak zui a nih tur thu a sawi a, Camp hi a taka \hiah theih a ni lo a nih pawhin tun hmaa an thil dawn \hinte an dawn chhunzawm tawh lohna tura hmalak pawh a theih dawn tih a sawi.

Home Principal Secretary chuan, Bru-te chu September thlaa Mizorama hruaikir vek an nih dawn avangin a hmuna kal chilh a, Electoral Roll Revision neih pawh Mizoram Sorkar-in \ul a tih loh thu leh hei hi Election Commission of India pawhin a pawmpui tawh thu a sawi.