Aizawl Municipal Corporation huam chhunga Registrar te chu AMC hnuaiah an awm tawh avangin training ah hian an tel ve lo a. Tunlai hian The Registration of Births & Deaths( Ammendment) Rules 2007 hnuaiah Civil Registration System thawh chhoh mek a ni a, he dan thar hnuaiah hian pian ni leh kum thlak theihna dan a awm tawh loh avangin Registration tih dawnin fimkhur a tul hle tih training ah hian sawilan a ni a, hming leh nu leh pa hming thlak a tul pawhin Judicial Magistrate 1st Class hnenah ‘Deed of Changing Name’ tihfel hmasak zel a ngai dawh dawn a ni. Economics & Statistics Department in data a lakkhawm dan chuan kum 2017 chhungin Aizawl Dist ah naupiang 21431 leh mitthi 6191 an awm a ni.
Economic and Statistics Dept Director Pu Lalchhuanawma Hrahsel kaihhruai trainingah hian Registrar 106 an tel a ni.
