Pi Rina Ray chuan Hindi tawng a pawimawh thu sawiin, India khua leh tuite chuan Hindi tawng thiam an tum hram a pawimawh a ni a ti. Conference hi KV Aizawl Principal Pi Jeanie R Zoremsiami’n a kaihruai a. MZU KV, KV Lunglei, Champhai, NIT Silchar, AFS Kumbhigram, Karimganj, Silchar, Masimpur, ONGC Shrikona Principal te an tel a, Vidyalaya Management Committee memberte leh School naupang nu leh pate pawh an tel bawk.
Mizoram ah KV Aizawl, KV MZU, KV Lunglei leh KV Champhai te a awm tawh a. KV Aizawl hi 1983 a din niin tunah hian zirlai 983 an awm mek a, thawktu 43 in an enkawl a ni.
