Lirnghinna hmuna awm mipuite rilru chiai leh hah avanga harsatna thleng thei veng turin tunkar Ningnai atangin Pysychological Clinic kalpui nise an ti a, DM&R atangin lirnghing chungchanga hriattur pawimawh inzirtirna buatsaih nise an ti bawk. Thutkhawmnaah hian Champhai South Bialtu, Transport Minister Pu TJ Lalnuntluanga leh East Tuipui bialtu MLA Pu Ramthanmawia te bakah sorkar miawimawhte an tel a, tun hnaia Mizoram University leh Pachhunga University College-a Geology Department in lirnghin dan an zir chian dan an sawifiah bawk a ni.
