District khawpui tinah MYC Youth Summit and Road Show, 2018 buatsaih a ni dawn

0
226
views

Mizo |halaiten kawng hrang hranga hma an sawn theih dan tur ngaihtuah turin tun thla ni 17 a\anga May thla tawp thleng District khawpui tinah MYC Youth Summit and Road Show, 2018 buatsaih a ni dawn tih Mizoram Youth Commission Chairman, Pu Joseph Lalhimpuia’n thuthar lakhawmtute a hrilh. Hei hi kawng hrang hranga \halaite hmasawn tura infuihna leh inzirtirna tur a nih thu sawiin, hetih chhung hian thiam bik zirna lama hmasawnna tur thil pawimawh te, zirna kaihhnawih kawng hrang hrang leh hnathawh tur thlenga inkawhhmuh nan \angkai taka hman tum a nih thu a sawi. Pu Joseph Lalhimpuia chuan MYC Youth Summit and Road Show, 2018 hi tun thla ni 17 hian Aizawla Assembly Annex-ah hawn a ni dawn a, a t<k ni 18-ah chhunzawm tur niin, hemi hnu hian District Headquarters tinah a indawta neih chhunzawm tur a ni a, April ni 24-ah Kolasib-ah, ni 27-ah Mamit-ah, May ni 4-ah Serchhipah, ni 11-ah Champhaiah, ni 18-ah Siaha-ah, ni 25-ah Lawngtlai-ah neih a ni ang a, a kharna chu May ni 30 leh 31 hian Lunglei-ah neih tum a ni tih a sawi. Hetah hian Sorkar Department 5 leh Private Company 16 dawr theih an ni dawn a ni.

MYC Chairman chuan \halaiten kawng hrang hranga hma an sawn theih nan \an lak mek a nih thu sawiin, tun hmaa an la tih ngai loh zirnaa hlawhtling te, UPSC leh sorkar laipui hnuaia Competitive Exam hrang hranga inziak tlingte hnena Incentive Cash Award pek an tum thu an puan chu mi 60 velin an dil tawh thu leh hemi atan hian cheng nuai 40 vel p>k tum mek a nih thu a sawi a. |halai cho phur turin Young Achiever Award sem tum a ni a, hemi atan hian Chief Minister remtihna-in Committee din a nih tawh thu leh tunah hian District hrang hrangah GAD kaltlangin he chawimawina dawng thei awm thlithlai mek a ni tih Pu Joseph Lalhimpuia chuan a sawi a. Hei bakah hian School Education Department nen \angkawpin zirlaite tan Exposure Visits buatsaih a ni dawn a, he hmalakna hnuaiah hian District tina zirlai thlan chhuah 40-te chu District dang fanpuiin, an hnathawh dan leh hmalaknate enpui an ni dawn a, hetiang deuh abwk hian Kohhran \halaite thawhpuiin an khawmpui nikhuaah Campaign an nei \hin dawn tih a sawi bawk.