HPC(D) mi 114, nunphung pangngaia lo let te chu nimina CTI Sesawnga lawmluh an nih hnuah leh an inbenbelna tur Rs.3,00,000/- \heuh pek an nih hnuah an duhna hmuna khawsa turin chhuahtir leh tawh an ni. Hemi chungchanga Mizoram sorkar a\anga thudawn danin HPC(D) mi, ralthuam daha nunphung pangngaia lo let te hi inremna thuthlung siam taka tarlan angin an inbenbelna tur sum pek an nih bakah an ralthuam dah hlut zawng sorkar rate anga chhutsaka lawmman pek an ni a, sorkar a\anga an thilphut an nawr laia pawi khawihna chi hrang hrang vanga mana lung in tan tir te chu an tan chhung hun tihtawi sak an ni a, thubuai neite pawh an thubuai tihtawp sak tur an ni. Puan tawh angin HPC(D) mi, an ralthuam nena nunphung pangngaia lo l>t te hi Council Member mi 12 leh Armed Cadre mi 102 an ni a, an vaiin mi 114 an ni. Home Minister, Pu R. Lalzirliana chuan HPC(D) nena inremna thuthlung an siam zawma nunphung pangngaia lo let turin HPC mi la awm te a ngen a, buaina siam zui an awm chuan sorkarin a dim dawn lo tih a sawi bawk. HPC(D) miten ralthuam an dah tak te hi Assault Rifle 22, Pistol 7, Ulhbun phir 13 leh Ulhbun mal 1 a ni a, silai mu chi hrang hrang 2,892, granade launcher 1, granade 5, granade launcher shells 10 leh detonator 7 te a ni.
