Dr. K. Beichhua-a’n Greater Siaha Water Supply Scheme siam mek tlawh

0
495
views

Siaha mipuite, tui thianghlim hnianghnar pekna tur, Greater Siaha Water Supply Scheme siam mek chu Siaha bialtu MLA, Dr. K. Beichhua chuan vawiin khan a tlawh a, Siaha khawpui chawmna atan hian Rs. 20,70,20,000/- seng turin Tuitlawk lui tui pump a ni a, he tui pekna siam hna pumpui hi New Delhi-a Swan Jyati Company-in a thawk a, hna zawh fel hun tura ruat chu kum 2015 kha ni mah se, tun thleng hian zawh a la ni lo a ni. Diesel khawl hmangin tui pump chhin theiha siam a ni tawh na a, electric hmanga tui pump-na tur siam zawh a la nih loh avangin tun thlengin hawn theih a la ni lo a ni. Electric hmanga tui pump-na tur, sub station-a transformer an bun chu a that loh avangin siam tha turin a siamtu company-ah thawn let leh a ni a, hei hi nghah mek a ni. Dr. K. Beichhua chuan Siaha khawpui tui pekna, tun hma lama siam tawhte chu thal, tui tlem laia mipui chawm khawp a nih tawh loh avangin Tuitlawk atanga tui pump-na hi zawh fel thuai tum turin PHE Deptt. a ngen a ni. Greater Siaha Water Supply Scheme hi Siaha mipuite, kum 2043 thlenga hnianghnar zawka tui pekna atana duan a ni.