Zoram thar pawl chuan sal tang chhuahna, jubilee dar vuak, hnehna kawng zawh an tih chu vawiin khan chhunzawmin, Bawngkawn atanga tanin Zemabawk thleng kawng an zawh leh a, hei hi Aizawl khawpuia an kawng zawh chhawng thumna leh a tawpna a ni a, Zoram Thar President, Pu Zaichhawna Hlawndo chuan Bawngkawn, Thuampui leh Zemabawka an chawlhnaah thusawiin, Babulon sal tan kum 70-na chu a tawp tawh avangin Mizoram chu Lalpan la chhuakin a awmna ngaiah a dah tawh dawn niin a sawi a, nakkuma Mizoram Assembly inthlan hunah Lal Isuan Mizoramah ro a rel tawh dawn a, chutah chuan sem sem dam dam, ei bil thi thi tih te, Mizo tlawmngaihna leh rinawmna te hmuh kir leh a ni ang a, mi hausaten mi retheite an chawm tawh dawn niin a sawi a, Mizoramin inthlanna a hmachhawn turah chuan thu dik lo hmanga inbumna leh pawisa hmanga inbumna a leng dawn tawh lo niin a sawi a ni.
