Leitan Branch YMA President, Pu K. Lalzuiliana hnen a\anga Zonet thudawn danin, Leitan BSUP Complex-a chengte hi Inrinni khan chhungkaw 30 leh nimin khan chhungkaw 50 vel sawn an lo ni tawh a, vawiin khan chhungkaw 40 sawn lehin, sawn hman loh hi chhungkaw 10 vel an la awm a ni. Pu K. Lalzuiliana chuan, Sorkar thupek angin Leitan BSUP Complex-a chengte hi naktukah chuan sawn chhuah vek an ni tawh dawn tih a sawi a, hemi hnu lam hi chuan sorkar thupek angin Leitan BSUP Complex chu tuma luh theih loh tura kalh vek a nih tawh dawn avangin vawiina sawn hman lohte pawh naktukah chuan sawn chhuah vek an nih tur thu a sawi. BSUP Complex-a cheng hmun danga sawnchhuahte hi Leitan Branch YMA chuan, an inthiar chhuahna kawngah hnatlangin an pui a, an kalna leh thil \ul dangte sorkar-in a tumsak a, heng mite hi UD&PA Department hotuten a hmunah an vil reng a ni.
