Council of Minister \hukhawmin Zohnahthlak bak Mizoramah Indigenous People an awm lo tia thutlukna a siam chu MNF General Hqrs. in chhuawnawm an tih thu sawiin an thutlukna hian Chief Minister Pu Zoramthanga kaihhruai Sorkar chu nationalist sorkar a nih zia a lantir a ni an ti a, ram neitu sorkar rorelna hnuaiah hnam himna leh thil hrang hrangah hmasawnna a lang chho mek a ni an ti. MNF party hian Zohnahthlak ni lo ram leilung faa inchhiar tel tum a, aupui hial ngamte pawh an lo awm fo tawh \hin tih an sawi a, hemi dodal a MZP-te thisen chhuak khawpa an \ang chung pawhin thuneitu hmasa ten hma an lak \hat duh loh avangin mipuite an mangang a, Pu Zoramthanga kaihhruai sorkar Council of Minister \hukhawmin High Court-in thutlukna a lo siam tawh chunga huaisen taka thutlukna a siam chu hnama chiangte rorel dan tur dik tak a ni an ti.
MNF Party hian Mizoram leh Assam ramri buai chungchangah hmalatu reng rengin \anchhan atana an hman theih tura Bengal Eastern Frontier Regulation 1875 in ramri a khamsa council of minister in a nemnghet chu Zoramin rahbi thar a kaina a ni a, ramri veitute tan thulawmawm tak a ni an ti bawk.
