Durtlang leh a chheh vela PRRS vanga vawkte thi nia sawi chu vawiin khan MNF Thalaiten an enfiah

0
275
views

Tun hnaia Durtlang leh a chheh vela PRRS vanga vawkte thi nia sawi chu vawiin khan MNF |halaiten an enfiah a. An pawl Vice President, Pu Lalremruata Chhangte chuan, PRRS chu Myanmar a\anga NLUP vawkte lakluh a\anga lo darh ta nia sawiin, PRRS vanga vawk thi chu 10,000 chuang an tling tawh niin a sawi a. PRRS vang hian Durtlang leh a chheh velah PRRS vangin vawk 100 dawn a thih tawh thu leh AH & Vety Department changtu Minister Pu Ngunlianchunga chu he thilah hian rang taka hma la turin MNF |halai chuan an phut tih a sawi.

Hemi hnua thuchhuah an siamah MNF |halai chuan, Durtlanga vawk vulhte hi vawk hrisel tak a ni \hin nia sawiin, tun hma deuh kha chuan NLUP vawk atan pawh an la \hin niin an sawi a. Tun hnai deuh khan Durtlanga NLUP vawk sem a\angin PRRS natna hi a leng \an a, NLUP vawk chauh ni lo tual vawkte pawhin a kai ve tak avangin vawkte thi saa piang te, vawkte leh vawkpui thi leh damlo a tam hle niin an sawi a. NLUP vawk sem avanga a dawng ve lote thlengin PRRS vanga harsatna an tawk chu pawi an tih thu leh, vawk vulhtute chu zangnadawmna pe tura Mizoram sorkar an phut thu an sawi bawk.

Vawiina MNF |halaiin Durtlanga vawk thi an enfiahnaah hian an pawl Vice President, Pu Lalremruata Chhangte leh Treasurer, Pu Lalzahawma Khiangte bakah hruaitu dang \hahnem tak an kal a ni.