Manipur Volleyball team a mi, Sakil Chesam chunga kut thlaktu chu man chhuak a, a phutawk hremna pe ngei tura hmalak a ni – Home Minister

0
587
views

Home Minister, Pu R. Lalzirliana’n 26-Mini National Volleyball 2018 R. Deng\huama Hall-a tunhnaia neiha Manipur Volleyball team a mi, Sakil Chesam chunga kut thlaktu chu man chhuak a, a phutawk hremna pe ngei tura hmalak a ni a ti. ZONET zawhna chhangin Pu R. Lalzirliana chuan he thil duhawm lo hi April ni 28-a thleng a nih thu te, Manipur player chunga kut thlaktu man chhuak ngei tura Police hotute pawh a hriattir tawh thu te sawiin, hetiang thil \ha lo Mizorama la thleng ngai lo a thleng ta hi Mizoram hmai tibaltu leh thil zahthlak a ni tih sawiin, tun hnuah hetiang thil hi thleng tawh lo se a duh tih a sawi a, misual kut tuartu Sakil Chesam pawh \ha chhuak leh thuai tura a duh thu a sawi bawk. Puan tawh angin he thil thleng chungchangah hian Mizoram Volleyball Association hotute chuan Kulikawn Police Station-ah FIR an thehlut a, hei hi bawhzuiin Police-te chuan Manipur Player kutthlaktu hi an zawng mek a ni.