Durtlanga Mizoram Hindi Training College-a kumina zirlai lut thar 94 te lawmna vawiina neih Chief Minister, Pu Lal Thanhawla’n a hmanpui.

0
236
views

Fresher Social-a thusawiin Chief Minister chuan India rama \awng hman tam ber Hindi thiam pawimawhna hria leh zir duh \hangtharte zingah an pung chho zel chu thil lawmawm niin a sawi a, hnamdangte zinga awma an \awng hriat loh chu tlangnel lohna a ni tih sawiin, India ram chhungah chuan Hindi thiam chu tlangnelna leh awlsam zawka thil tih theihna a ni tih a tarlang a, mahni mimal hriatzauna atan leh eizawnna kawnga awlsan zawk nan Hindi thiam chu thil pawimawh niin a sawi a ni. Chief Minister chuan Hindi zirlaite chu theihtawp chhuaha zir tur leh hman thiam tum turin a fuih a, an vela thil thleng te ngaihven \hin tur leh mi vengva leh midangte zirtir chhawng theitu nih tum turin a fuih bawk. He Fresher Social hi Higher & Technical Education Director, Pu R. Zarzosanga’n a kaihruai a ni.