Mizoram Institute of Medical Education and Research (MIMER)-a MBBS zir turin zirla 62-in Admission an ti tawh.

0
488
views

Higher and Technical Education Department hnuaia Technical Wing hotute hnen a\anga Zonet thudawn danin, MBBS seat 100 awmna MIMER-ah hian Mizo zirlaite tan seat 70 dah a ni a, hei hi National Eligibility cum Entrance Test (NEET) hmanga hnawhkhah niin, zirlai 62 hnenah allotment pek a ni tawh a, heng mite hian Admission pawh an tifel vek tawh nia thudawn a ni. Technical Wing hotute chuan, tuna MBBS seat hnawhkhah loh la awm 8 chu Central Pool a\anga Mizoram Quota lo thlen hunah Mop Up Round hmanga hnawh khah a ni dawn tih an sawi.

Puan tawh angin Mizorama Medical College hmasa ber tur, Mizoram Institute of Medical Education and Research hi Medical Council of India-in a pawm hnuah sorkar laipuia Health & Family Welfare Ministry chuan kumin May ni 22 khan pawmpui ve lehin Medical College din phalna, Letter of Permission a tichhuak a, MIMER-ah hian MBBS zirna seat 100 a awm dawn a, seat awm zawng zawng a\anga zaa 70 chu Mizo zirlaite tan dah niin, zaa 15 chu Central Pool-ah leh a bak zaa 15 dang chu Non Resident Indian (NRI) chanpual atan dah a ni a. Class pawh kumin a\anga \an nghal tur niin, August thlaah Class hi \an hman beisei a ni.

MIMER-ah hian Director atan Prof. L. Fimate ruat a ni a; zirtirtute leh thawktu dangte pawh lak fel thawkhat a ni tawh a ni.

Hetihlai hian Central Pool a\anga Mizoramin damdawi lam zirnaa Seat a chan tur zat chu hriat theih a la ni lo tih Technical Wing hotute chuan Zonet an hrilh a. Hei hi August thla velah chuan hriattheih beisei a nih thu leh kumin a\angin Mizoramin Medical College nei thar dawn mah se, Central Quota-a Mizoram seat chan zat chu kumdang aia a tlem loh beisei a ni tih an sawi. Technical Wing hotute chuan, MIMER-ah Mizo zirlaite tan seat 70 dah a nih bakah NEC a\angin MBBS seat 14 chan a nih thu an sawi a, chungte chu Shillong-a North Eastern Indira Gandhi Regional Institute of Health & Medical Sciences (NEIGRIHMS)-ah seat 3, Imphal-a Regional Institute of Medical Sciences (RIMS)-ah seat 7, Tripura Medical College-ah seat 2 leh Assam-a Dibrugarh Medical College leh Tezpur Medical College & Hospital-ah seat 1 ve ve hmuh a ni tih sawiin, hemi hnawhkhat tur hian NEET kaltlanga Allotment pek a nih tawh thu an sawi a. Hetihrual hian NEC a\anga Seat hmuh luahtu zingah Central Pool Quota-a kalduh zawk an awm chuan an Seat kalsan luah tawh chu kalsan remtih a ni a, hei hi Mizo zirlai vekin an luahkhah leh theih loh chuan phal a ni lo thung a ni.

Technical Wing hotute chuan, State Medical & Techincal Examination (SMATE) hmanga technical Course hrang hrang zirtur thlannaah pawh Online Counselling tihfel tawh a nih thu an sawi a. Online Counselling hi \um 2 buatsaih niin a hmasa zawk chu June ni 23 khan neih niin, ni 29-ah result tihchhuah a ni a. July ni 10 neih leh niin, result pawh ni 15-ah tichhuah leh niin, zirlaite chu an seat duh thlan tir nghal an ni a. Seat awl thlan loh awmte chu nimin khan Spot Round hmanga hnawhkhah leh a ni a, hemi hnua seat awl la awmte chu zirlaiten seat awl hauhna Form an thehluh hmanga hnawhkhah leh a ni dawn a ni.