East Phaileng Block MNF-in Martyr Day an hmanna chu MNF Vice President, R. Tlanghmingthanga’n a hmanpui a, Mizoten ram leh hnam nunpui tlak leh thih chhantlak an nei reng tih hriat chhuah aia hriat tur pawimawh a awm chuang lo tih a sawi.

0
361
views

East Phaileng Buizova Hall-a Martar Day vawi 40-na hmanna inkhawm hi East Phaileng VCP, Pu Lalruatzela’n a kaihruai a, a hmanpuitu Pu R. Tlanghmingthanga chuan, MNF tih chu Pathianin Mizo hnam pum a kohna a ni tih sawiin, Mizoram humhimna turin Independent a ngai a, chumi hlenchhuak tur leh hnam dangin an chimral loh nan an Party dintu Pu Laldenga leh a hoten hma an la a, chu chu India sorkar-in a huat ber a nih avangin, a dolet turin sipai chakna a hmang a. Hemi an beihnaah hian Mizo hnam sipaite chuan thisen far tawp thlengin, an nunna dahkhamin an bei a, ni 5 chhung Indpendent an nei hman niin a sawi. Independent an sual chhan kha hnam dang chimral theih loha mahnia thuneihna an duh vang a ni tih sawiin, Pu R. Tlanghmingthanga chuan, inremnaah pawh khan Mizote phalna lovin India mi tumah Mizoramah an lo lut thei lo a, hnam dan leh rorelna te, sakhaw humhalhna thlengin Mizote chu thuneihna pek an ni tih a sawi.

Pu R. Tlanghmingthanga hi MNF General Hqrs. a hruaitu engemawzatin an \awiawm a ni.