Mamit Center Block MNF-in Chhim veng YMA Hall-a MNF Martyr Day an hmanna chu MNF Treasurer, Pu Vanlalzawma’n vawiin khan a hmanpui.

0
337
views

Pu Vanlalzawma chuan Hnam sipai, zalenna sual laia nun chante chu ram leh hnam tana nun pe an nih avangin an chhuangin an zah em em a ni, a ti a. MNF movement khan India hian a hrechiang hle a, MP a nih ve lai pawh khan MNF MP a nih thu a sawi chuan hnam dangin an hmuh dan a dang phah \hin hle a, MNF khan India do mah se, an ngaisang hle tih a sawi. Pu Vanlalzawma chuan, Martyr Day-ah hnam martar te inpekna hre reng thar tura an Party mipuite chahin, \hangtharte chu an hnung zui leh turin a sawm a ni.

Mamit bialtu MLA, Road & Infrustuctured Development Board Vice Chairman nibawk, Pu H. Lalzirliana pawhin, thiamna a san zel tawh avangin \hangtharte hian silai nen ramhnuaia lut lovin thiamna hmanga ram leh hnam an chhan a ngai tawh zawk a ni, a ti a. Hnam martar-te zahna lantir theihna chu an rilru ang an put a, ram tan engnge an tih theih tih an ngaihtuah a nih thu a sawi. Mamit Center Block

MNF-in Martar day an hmanna hi an pawl President, Pu H. Lalthlengliana’n a kaihruai a, MNF General Secretary, Pu HP Zonunsanga pawhin thu a sawi a ni.