Heng MR-a thawk tur zirtirtu 881 te la tur hian Sorkar chuan district parukah DPC a din a, July ni 30 a\anga September ni 3 chhung khan hna diltute interview neih a ni a, District hrang hranga DPC te rawtna chu sorkarin Zirtawpni khan a pawmpui hnuah a ni vek hian School Education Dept chuan result hi a ti chhuak nghal a ni.
Hetihlai hian MNF Party office Mizo Hnam Run inkhawmah party treasurer Pu Vanlalzawma chuan result tih chhuah tak hi ennawn leh tum a nih thu nimin khan a puang a. Pu Vanlalzawma hian Chief Minister Pu Zoramthanga thu chah sawi chhawngin Muster Roll zirtirtu lak chungchanga thil fel tawk lo awm leh, engemaw, tih \hat ngai awm chu hma an la ang tih a puang a ni.
