Education Minister Pu Lalchhandama Ralte in Academic Session tan hun atan tun thla ni 15 an ruahman tawh chu Home Ministry in tun thla ni 31 thleng zirna in la hawn loh tur a tih avangin kaltlang pui theih a ni dawn lo tih a sawi.

0
60
views

Vawiina a bial chhung khaw hrang hrang a tlawhnaah he thu hi a sawi a, zirna in hawn theih hun tur chu ruahmanna thar siam a ngai dawn a, hawn a nih ruala zirna kalpui dan tur ruahmanna chu Departmentin a siam zel dawn a ni a ti. Tuivawl bialtu Pu Lalchhandama Ralte hian, hri leng vanga zirna chhunzawm theih loh chhung a rei avangin zirlaiten nun kawng an hloh lohnan nu leh paten zirtirna tha taima leh zuala an fate an pek a pawimawh tih a sawi a, hrileng leng kara HSSLC leh HSLC compartment exam zawhfel a ni ta chu lawmawm a tih thu a sawi.

Sorkar hmasain Tuivawl bial chhunga hmasawnna hna a thawh, thil tha te chu chhunzawm a nih tur thu Pu Lalchhandama Ralte hian a sawi a, Darlawn Mini Sports Center siam mek pawh chhunzawm a nih tur thu a sawi.

Education Minister hi Sports Minister Pu Robert Romawia Royte in a tawiawm a, Darlawn Multi sports centre, Tourist Lodge, Darlawn GSA playground , Higher Secondary School, PHC leh Police station-te an tlawh a, darlawn PHC thawktute hman turin hri leng laka invenna thuam PPE, kut tihfaina hand sanitasier leh kutkawr te Education Minister hian a pe a ni.