Zawhna chhangin Pu Lalchhandama Ralte chuan, lehkha pawimawh felhlel an hmuhchhuah te hi mi 4 an ni tih a sawi a, certificate nei kim hman lo te an nih thu sawiin heng mite hi thil awmdan an zawhfiah hnuah hnawl an ni a, appoinment pek zingah an tel ta lo tih a sawi.
Pu Lalchhandama Ralte chuan, lehkhapawimawh felhlel deuh 4 hmuh chhuah hnawl bak chu result tih danglam a awm lo tih sawiin Zritirtu lak chu sorkarin dik leh felfai taka lak a duh angin kalpui a ni tih a sawi a, zirtirtu atana lak thar te chu tunthla chhunga an thawhna tura in report hman tura hriattir an nih thu a sawi.
September thla khan MNF party treasurer Pu Vanlalzawma’n an party pisa puiah sorkarin Muster Roll zirtirtu lakna result a tih chhuah chu thil fel tawk lo a awm nia a lan avangin ennawn a ni dawn tih a lo puang tawh a, hemi bawhzui hian Education Minister Pu Lalchhandama Ralte leh Chief minister Pu Zoramthanga ten an sawi dun hnuah result tihchhuah tawh te chu ennawn leh a ni.
