Mizoram sorkar leh HPCD ten nikum April thlaa inremna an ziah hnuah Sinlung Hills Development Council SHDC chu Sinlung Hills Council ah hlankai a ni a, inthlanna hmasa ber neih turah hian MNF leh HPC te an \angdun dawn a, MNF in bial 7 ah candidate dahin abak bial 5 ah HPC leh an thurualpuiten an dah a, Congress party chuan bial 6 ah candidate dahin bial \henkhatah independent candidate an thlawp dawn a ni. Recognised party ang chuan MNF in candidate 7, Congress in candidate 6, BJP leh NPP in pahnih ve ve leh HPC in candidate pakhat an nei a, Independent candidate 24 an awm bawk a ni.
November ni 5-a inthlanna neih tura chuh tum, hming pelutte tana inhnuhdawh leh theihna hun hnuhnung ber chu nimin khan a lo tawp tawh a ni.
Sakawrdai North, Saiphai leh |inghmun bialte chu bial ngaihnawm zual tura ngaih zingah an tel a, Sakawrdai North ah hian chief executive member ni lai Lalthlamuana Hmar chu congress Candidate Pu Lalrammuanpuia leh Independent-a chuhtu VCP nilai Pu R Lalfakzuala te bakah Pu Rohringa te nen an inbei dawn a ni.
Council Chairman nilai Pu Lalmalsawma Darngawn chu HPCD General Secretary hlui, Congress candidate Darliensang Ralsun, Pu Vanlalhlua leh Pu Rorela te nen |inghmun bialah an inbei dawn bawk.
Saiphai bialah chuan Hmar hel pawla depurty army chief ni \hin Pu Biaknunga chu congress candidate, VC Vice President nibawk Pu Ramhluna bakah BJP Candidate Pu HA LAldawngliana leh Pu Lalawithanga te nen an inbei dawn a, Hmar hruaitute zinga mi, MLA Candidate hlui Pu Lalvenhima Hmar chu Suangpuilawnah a ding dawn a, Sinlung Hills Council Member Pu Lalremruata Varte pawh Sakawrdai South bialah a ding dawn bawk.
Sinlung Hills Council-a bial 12 ah hian Polling station 38 siam a ni a, inthlannaah hian ballot paper hman a ni ang a, November ni 5-a vote thlak zawh a nih rualin vote tla te hi chhiar nghal tur a ni.
