Education Minister Pu Lalchhandama Ralte-in tukin khan Khawzawl Vengthar Presbyterian English School a tlawh a, ram leh hnam kal zel tur atan zirna chu rawngbawlna rilru pu chunga kalpui a \ul a ni a ti.

Education Minister hian sorkar-in zirna tih hmasawnna kawngah Kohhran nena thawhho a duh tih a sawi a, tun hnaiah Aizawla Sikul sen tia hriat chu sorkarin Synod enkawl tura hlan let a rel tih sawiin, hei hi sorkarin a enkawl theih loh vang ni lovin, Pathian hre chunga naupangten thiamna an neih an duhsak vang niin a sawi. Minister hi MLA Pu C Lalmuanpuia leh Pu Lalrinsanga Ralte bakah Education Dept hotuten an \awiawm a ni.