Vawiin khan SCERT Auditorium-ah Mizoram EDUSAT Network chu School Education Minister, Pu H.Rohluna’n a hawng a, hemi puala inkhawm, SCERT Director, Pi Laldawngliani Chawngthu kaihhruaiah Minister chuan, sorkar laipuiin zirna ngai pawimawh hle mah se, leilungin a zir loh avang leh inkalpawhnate a \hat tawk loh avangin hmun kilkhawr zawka naupangten duhthusamin zirtirna \ha an dawng thei lo fo \hin tih sawiin, lei min leh kawng chhiain a tihbuai ve phak loh satellite hmanga zirtirna a awm ta chu Mizoram tan hmasawnna rahbi lian tak niin a sawi. He inkhawmah hian SCERT-in zirlaite zirna pui thei tur science subject atana Educational software a siam leh ICT Module, a bu-a siam chu Minister hian a tlangzarh bawk. DECU, ISRO Director, Pu Virender Kumar pawhin thu a sawi a, Mizoram-ah Satellite Interactive Terminal 50 awm tura ruahman zinga 23 chu bun fel a nih tawh thu leh, Krismas hma ngeiin a dang 27-te pawh bun fel vek tum a nih thu a sawi a ni. Sorkar laipui chuan zirna atana hman tur Satellite-EDUSAT chu ISRO hmangin kum 2004 September ni 20 khan a kap chhuak \an a ni.
